Psa 76 | VulgJ | STEP | in finem pro Idithun psalmus Asaph victori per Idithun psalmus Asaph

Psalms 76

1 in finem pro Idithun psalmus Asaph ^va 2 voce mea ad Dominum clamavi voce mea ad Deum et intendit me ^va 3 in die tribulationis meae Deum exquisivi manibus meis nocte contra eum et non sum deceptus rennuit consolari anima mea ^va 4 memor fui Dei et delectatus sum exercitatus sum et defecit spiritus meus diapsalma ^va 5 anticipaverunt vigilias oculi mei turbatus sum et non sum locutus ^va 6 cogitavi dies antiquos et annos aeternos in mente habui ^va 7 et meditatus sum nocte cum corde meo exercitabar et scobebam spiritum meum ^va 8 numquid in aeternum proiciet Deus et non adponet ut conplacitior sit adhuc ^va 9 aut in finem misericordiam suam abscidet a generatione in generationem ^va 10 aut obliviscetur misereri Deus aut continebit in ira sua misericordias suas diapsalma ^va 11 et dixi nunc coepi haec mutatio dexterae Excelsi ^va 12 memor fui operum Domini quia memor ero ab initio mirabilium tuorum ^va 13 et meditabor in omnibus operibus tuis et in adinventionibus tuis exercebor ^va 14 Deus in sancto via tua quis deus magnus sicut Deus noster ^va 15 tu es Deus qui facis mirabilia notam fecisti in populis virtutem tuam ^va 16 redemisti in brachio tuo populum tuum filios Iacob et Ioseph diapsalma ^va 17 viderunt te aquae Deus viderunt te aquae et timuerunt et turbatae sunt abyssi ^va 18 multitudo sonitus aquarum vocem dederunt nubes etenim sagittae tuae transeunt ^va 19 vox tonitrui tui in rota inluxerunt coruscationes tuae orbi terrae commota est et contremuit terra ^va 20 in mari via tua et semitae tuae in aquis multis et vestigia tua non cognoscentur ^va 21 deduxisti sicut oves populum tuum in manu Mosi et Aaron

^va